مين غاليلوو ؟
غاليلوو يا أصدقائي
.. صبيّة سورية من الشام .. من مواليد 1991
تخرجت معهد حاسوب
وعم تكمل بالجامعة الافتراضية باختصاص تكنولوجيا المعلومات
لوني المفضل هو
“الزهري” مو لأنو كل البنات بيحبّوه بس هاللون بريحني لأنو رايئ كتير وبيخليني ابتسم
بحب الحيوانات
كتير .. شي سببلي نقد كتير وتعليقات ومسخرة أكتر بس ما بيهمني .. هالمخلوقات البريئة
بتعطيني طاقة إيجابية وبنبسط بس شوفن
بعشق أجواء الشتاء
بكل شي فيها .. برد ومطر وتلج وحتى ستايل هالفصل أكابري وحلو
الموسيقى شي أساسي
بحياتي .. بستمتع وبعيش باللحن والغنية .. بسمع انكليش أكتر شي وإيطالي .. وعربي صدفة
جداً لاسمع
بحب القراءة والشعر
.. بكتب أحياناً .. وبحب الرسم كتير بس ماعندي كتير وقت ارسم
مالي إنسانة مثالية
ولا كاملة ولا عم حاول ورجي حالي قدام العالم بهي الطريقة نهائياً
متلي متل أي إنسان
.. عندي جانب مظلم وسلبيات عم حاول أد مافيني إني غيرن وحوّلن لإيجابيات أو عالأقل
الغيهن
من وين عم جيب
هالنظرة الإيجابية للحياة؟
عندي أمل كبير
وثقة أكبر برب العالمين أنو رح يجي يوم ويكون كل شي أحلى وأحسن ورح يجبر بخاطري وبخاطر
الكل
بالنسبة الي
.. الأمل هو الحياة .. صعب نقدر نكمل بدونو
ضحكة الناس اللي
بحبن .. اللمعة بعيونن .. كلماتن ومحبتن ودعمن .. وجودن بحياتي
هو أكبر دليل أنو
الحياة رغم كل مصاعبها وقسوتها فيها شي حلو كتير وسعادة كبيرة بأبسط التفاصيل بس نحنا
لازم نفتح قلوبنا قبل عيوننا منيح ونشوفا
مؤمنة أنو السعادة
بتجي من شغلات بسيطة كتير
وردة اهتمام
.. كلمة محبة .. نظرة حنيّة .. رسالة حنين .. وممكن أكلة طيبة .. ذكرى حلوة .. أو شوكولا
“الحياة منعيشها
مرة وحدة .. بس إذا عشناها صح هي المرة بتكفّي “
^__________^
ابوسك غاليللوو ..انت من الصديقات السعيدة بمعرفتهم وكنت بتمنى كتير اتعرف عليك فيس تو فيس ...بحب اول ما اصحى اقرأ بوست الك او مسج...قادرة تغيري مزاجيتي للسعادة بكلامك وبشوفة ضحكتك الحلوة ...^_^
ReplyDeleteالله يجبر بخاطرك يارب مابتتخيلي أديش هالكلام بيسعدني وبيخليني انبسط وبيعطيني دافع وجرعة أمل كبيرة ^_^ .. وان شاء الله منلتقي فيس تو فيس يوماً ما انا بيشرفني هالشي وبيسعدني
DeleteThis comment has been removed by a blog administrator.
ReplyDeleteمبروک عال بلوگ الجدید، و ممکن استعین بک لکتابة بعض المقالات، ھھھھھ، احسنت و کلمات راقیة.
ReplyDeleteالله يبارك فيك يارب .. تكرم إذا بقدر ساعد بشي فأنا جاهزة ^_^ مع أنو مالي كتير فظيعة بالكتاية ههههههه .. الله يجبر بخاطرك شكراً كتير
Deleteالله يحققلك احلامك وتشوفي كل الخير بأيامك الجابة
ReplyDeleteآمين يارب ان شاء الله كلنا ^_^
DeleteThis comment has been removed by a blog administrator.
ReplyDeleteBest bets for baseball today - Updated on November 17, 2021 우리카지노 쿠폰 우리카지노 쿠폰 fun88 fun88 betway login betway login 381Bet On The NFL 2022 | Bet On The NFL 2022 | TopBet
ReplyDelete